一个广州男人噶自述：
姓名：吴讲德！！
年龄：唔好提！！
身高：如果俾张凳我，我高过姚明！真架！
五官：鬼死甘靓仔！人见人爱，车见车载，阿婆见到跳出棺材盖！不过衣家俾人叫阿叔！哎！！！
出生地：广东广州西关一间卫生所。（点解唔系东山呢！）
学习经历：
幼儿园：老豆单位幼儿园。
最喜欢有单车踩、抢人玩具玩；
最讨厌老师罚企、同埋俾人响后面拉衫尾！
语录：
1、老师，可唔可以俾我排后面啊！我件衫就烂啦！！
2、做咩日日要唱歌啵？我喉咙痛啊！
3、单车得两个辘，点解啲人唔踩三轮车？
4、啲女仔做咩要踎低（蹲下）屙尿噶？仲要我地啲男仔行开？
5、过节做咩要搽到人地块脸红当当啵？净系多只红鸡蛋！点解无糖吃？
6、啲女仔掂到都喊，老师做咩要我罚企？
7、啲女仔食饭食半日都未食完！快啲啦，一系我帮你食埋距！
8、午睡果阵，唔好将只脚摆上我肚腩！
9、我有将只脚摆上你肚腩咩？唔知，我训着左！！
10、放学啦！点解次次都系人地阿妈阿爸黎先噶？
11、哈哈！终于排头位，你地慢慢喊，我走先啦！！
12、隔离屋果啲玩具好好玩，点解我无？
13、阿妈话，捐裤浪会无得高！锦搭公共汽车咪唔驶俾钱咯！
14、大人讲粗口就得，我讲就唔得？
15、鸡毛扫好恐怖！！！
16、死人飞发佬，搞到人地成身头发，痕到死！！
17、护士姐姐都系恶人，攞甘大支针吉我！
18、吃药至有糖吃，平时俾我吃多啲糖，咪唔驶吃药咯！
19、阿姨、阿闪，唔好卒我块脸！
20、表妹啲口水好臭，唔好锡我啦！
小学：终于到左东山读书！
最中意放学；
最讨厌做功课!
语录：
1、红领巾系用黎抹鼻涕噶！
2、我唔想同女仔坐！
3、做咩要我做小队长啵，个牌吉烂我件衫啦！
4、啲高年级霸住个球场，又唔侵我地玩！
5、跳橡筋系啲女仔玩噶无聊游戏！
6、上课时间甘长，老师唔攰噶咩！
7、快啲落课啦，唔该！我岩先挂住玩，唔记得去厕所！
8、做咩我次次举手，老师都叫我噶？人地都有举架？想去厕所果次，你就唔叫我！
9、高年级啲姐姐好靓吖！
10、啲零用钱攞黎打机好？定系吃野好？
11、点解啲校服有裤链架？平时成日唔记得拉，关键时候又拉唔开！
12、书包一年重过一年，咩住点跑吖！
13、啲大人甘中意去饮茶直落，食完都唔走！我想翻屋企玩任天堂吖！
14、啲发廊唔帮细路剪头，大个左唔帮衬你！
15、警察叔叔系唔收一分钱噶！果首歌搵笨噶！
16、游水果阵，我唔会上岸屙尿噶！
17、唔好叫我做小朋友，我无读幼儿园好耐啦！
18、儿童公园果条大滑梯原来甘矮、甘窄架！
中学：又系读书，好烦啊！
最中意踢啵、督啵、撩女仔；
最讨厌上课、考试、陪屋企人行街！
语录：
1、入团原来要交团费噶！我啲零用钱又少左啦！
2、我想同校花坐，做咩俾件猪扒同我坐？
3、踢波如果踢烂人地啲玻璃，一定要执翻个波，然后快啲走！
4、啲女仔扮晒野，叫都唔应！
5、校服良到死，边个设计架，做咩校长、老师唔着呢？
6、新黎个女老师好靓啵，几时教我地班啊？
7、踩单车去佛山，一定要整好个制，同埋记得带个打气筒！
8、同女仔去玩，要记得带多几个朋友，唔系成班女仔，我应付唔黎！
9、同女仔出街，距身边一定有件猪扒！
10、督啵一定要够大力，同埋够牛屎！
11、老师讲啲野，好多时候系废话！
12、考试前，一定要将答案写好落张书台！
13、边个有咸带、咸书睇？
14、唔好叫我做靓仔，我有女朋友架！
15、阿妈越来越无眼光，买啲衫肉酸到死！
16、老豆都几十岁啦，唔系以前噶偶像咯！
17、啲利是钱一年少过一年！
18、我部单车又唔见左啦！可以换部变速车啦！
大学：放生啦！！哈哈！！！
最中意旷课、打帝国、睇啵！
最讨厌写论文！
语录：
1、饭堂啲饭系买黎倒噶，应该距俾钱我至真！
2、宿舍关左门，系有N种办法入去噶！
3、衫裤系一星期洗一次，交俾阿妈做！
4、夹钱买电脑，系大家都无得玩噶！
5、点解啲靓女都系隔离个系噶？
6、唔旷课，一定无波踢！
7、啲网吧都离宿舍好远，去打机好辛苦噶！
8、教授啲白话又唔正，煲冬瓜又唔正，靠害咩！
9、我好耐都想唔起，坐我隔离个位系边个！
10、避孕套原来同气球差唔多噶！
11、我想去女生宿舍住，男宿舍太多臭袜！都唔知边对系我噶？
12、边个撬我条女，我砍死距！！
13、前面果位女同学，你地班点去吖？衣家几点啊？支笔系唔系你跌架？
14、啲啤酒好似潲水锦味，居然有人饮！
15、卡拉OK我系唛霸，我讨厌有第二个唛霸！
16、双节棍威力惊人......如果攞黎扑自己噶话！
17、有无搞错？睇带，啲女好hi架，做咩你哎痛？？
18、阿诺舒华副超好型，我副眼镜好深！
19、个个女人都戴眼镜？？哦......果啲！！
20、实习系变相摧残我地啲大学生！
21、如果唔想我地毕业，直接讲咯！驶咩要写论文啵？
工作经历：
1、学校保送，阿爷单位（当时觉得闷到死，衣家觉得好后悔）；
2、跳槽，外资企业（原来做野好辛苦噶）；
3、自己做，搵啲野搞搞（哎！打工好过）。
语录：
1、如果街上见到靓女噶背影，一般距另转头就系如花黎噶！
2、落迪高第一任务系沟女，然后系饮酒，醉醉啲果阵先至跳舞！
3、出粮份工资通常十日就无，跟住问阿妈攞！
4、通常人地拖住果个先至系靓女！
5、啲靓女如果系独生女，通常脾气都好臭！
6、电脑唔系用黎做野噶！系用黎睇野同埋玩游戏噶！
7、啲日文游戏好多病毒架！
8、装电脑同砌积木无咩分别，只不过一个要通电，一个唔驶！
9、18禁系调戏人噶游戏！CS系俾人调戏噶游戏！
10、QQ上面好多如花，同埋猪扒！我换过个Q！
11、唔好叫我同志，我系直噶！女同志我唔介意！
12、英超要半夜睇，第日返工好辛苦！
13、杰斯仔系偶像！小甜甜系梦想！
14、好讨厌啲阿闪叫我哥哥仔，唔知有咩企图！
15、为左环保同节约能源，我喜欢同条女一齐冲凉！
婚姻状况：已婚，都几好！
评价：我系狮子.......不过我老婆住响河东........但系我中意！！呵呵！！
语录：
1、铁达尼点解唔早啲拍，搞到无晒机会，啲机会俾晒老婆！
2、以前啲女，唔知衣家点呢！
3、晚晚要准时报到，仲惨过返学！
4、边个整甘多靓衫，我破产啦！
5、男人要有私己，当初唔应该同老婆坦白啲收入！
6、唔好俾老婆同老友啲老婆做好朋友，唔系就衰梗！
7、通常将啲钱摆系老友度，系错噶！因为未结婚果啲大洗，结左婚果啲又容易俾距老婆搵到！
8、觉得老婆要搜身之前，一定要静静将钱摆入距手袋，然后等搜身完毕，再攞翻出来！
9、舅仔系娶老婆噶附带品，距咩都搵姐夫攞架！
10、唔好摆酒！以前老友结婚，玩得人多，摆酒就一定俾人玩翻转头！
11、阿妈同老婆一齐跌落水，我就向老婆面前话救距，向阿妈面前一样甘讲！但系要单对单！
12、同老婆出街，一定要望住地下行，费事跌落坑渠或俾老婆话及女仔！
13、见到减价，一定唔好俾老婆发现！
个人喜好：
1、中意睇英超，但系无钱睇！（我上网睇）
2、中意睇靓女，但系怕老婆！（开个Q，上网睇）
3、中意法拉利，但系发紧梦！（最早有几部五羊单车，俾人偷左，衣家买部车，仲贵过养我）
4、中意成班人出去蒲，但系老婆揸住啲银两！（都好，有时间上网打机）
5、中意有私己钱，但系老婆经常搜身！（同老婆玩揾钱游戏，都几过瘾）
6、中意同老友吹水，但系啲老友俾老婆看住！（成个老趁，从此被困）
7、中意睇艳照，但系唔中意睇AV！（啲女假到死，啲日本男人又矮又丑又短）
1、搭车果阵讲得最多：“唔该司机，后门上！”
2、开车果阵讲得最多：“唔该啊SIR，俾次机会！”
3、飞机系攞黎打噶，或者系俾人坐噶，唔系攞黎食噶！唔知啲外省人知唔知？
4、通常卖菜啲阿闪叫你哥哥仔果阵，就一定系想搵你笨！